Қоғамдық Бірлестік – жалпы мақсаттарға қол жеткізу үшін ерікті негізде құрылған азаматтардың бірлестігі, мысалы, саяси партиялар, кәсіподақтар және азаматтардың басқа бірлестіктері. Қоғамдық Бірлестіктер әртүрлі мәртебеге ие. Республикалық Бірлестіктер – Қазақстан Республикасы облыстарының жартысынан астамының аумағында өзінің құрылымдық бөлімшелері (филиалдар және өкілдіктер) бар бірлестіктер. Аймақтық қоғамдық бірлестіктер – Қазақстан Республикасы облыстарының жартысына дейін аумағында өзінің құрылымдық бөлімшелері (филиалдар және өкілдіктер) бар бірлестіктер. Жергілікті бірлестіктер – бұл Қазақстан Республикасының бір облысының шегінде әрекет ететін бірлестік.

Республикалық және аймақтық ҚБ (соның ішінде барлық саяси партиялар) Астана қаласындағы ҚР Әділет министрлігінің Тіркеу қызметі және құқықтық көмек көрсету комитетінде тіркеледі (қайта тіркеледі және таратылуын тіркейді).

Қоғамдық бірлестіктер жарғылық мақсаттарына қол жеткізу үшін қызмет ететін дәрежеде кәсіпкерлік қызметті жүзеге асыра алады. Қоғамдық бірлестіктердің кәсіпкерлік қызметінен келген табыстар қоғамдық бірлестіктердің мүшелері (қатысушылары) арасында бөлінбейді және жарғылық мақсаттарға қол жеткізу үшін пайдаланылуы тиіс.

ҚБ тіркеу үшін келесілер қажет: кем дегенде 10 бастамашыл-азамат, олардың жеке куәліктерінің көшірмелері.