Нотариаттық қызметтер:

Нотариаттық іс жүргізу Қазақстан Республикасының тілдер туралы заңнамасына сәйкес жүреді. Егер нотариаттық іс-әрекетті атқаруға қатысты хабарласқан тұлға іс жүргізу тілін білмесе, рәсімделген құжаттардың мәтіндері оның өтініші бойынша оған аударылуы тиіс.

Нотариус жеке және заңды тұлғаларға олардың заңды мүдделерін қорғауға және жүзеге асыруға атсалысады. Нотариус келген тұлғаларға олардың құқықтары мен міндеттері туралы егжей-тегжейлі түсіндіреді, орындалатын нотариаттық әрекеттердің салдарлары туралы ескертеді, бұл заң білмеушіліктің оларға зиян келтіре алмауы үшін керек.

Нотариус білікті әрі толық ауқымды құқықтық көмекті, құқықтарды тиісті түрде рәсімдеуді, мәмілелердің құқықтық сенімділігін, дәлелділігін және шынайы заң кепілдіктерін қамтамасыз етеді.

Нотариаттық рәсімделген құжаттар жария мойындауға және дәлелдеу күшіне иелік етеді.

Нотариустар нотариаттық әрекеттердің келесі түрлерін атқарады: мәмілелерді, соның ішінде сенімхаттарды, өсиеттерді, шарттарды (жылжымалы және жылжымайтын мүлікті сатып алу-сату, айырбастау, кепілге қою, шарттардың басқа да түрлерін) куәландырады; мұраға құқық туралы куәліктер береді; мұраға қалдырылған мүлікті қорғау шараларын атқарады; жұбайлардың ортақ мүлкіндегі үлеске меншік құқығы туралы куәліктер береді; мүлікті иеліктен айыруға тыйым салады және тыйым салуды алып тастайды; құжаттардың көшірмелерінің шынайылығын және үзінді жазбаларын куәландырады; құжаттарда қойылған қолтаңбалардың туралығын, бір тілден екіншісіне аударылған құжаттардың аудармасының туралығын куәландырады; азаматтың тірі болу фактісін, азаматтың белгілі бір жерде болу фактісін куәландырады; азаматтың суреттегі бейнесіне ұқсастығын куәландырады; құжаттардың ұсынылу уақытын куәландырады; жеке және заңды тұлғалардың мәлімдемелерін басқа жеке және заңды тұлғаларға береді, депозитке ақша қаражатын және бағалы қағаздарды қабылдайды, атқарушылық жазуларын жүргізеді, вексельдердің протестін жүргізеді; төлемге чектер береді және чектердің төленбегендігін куәландырады; құжаттарды сақтауға қабылдайды, теңіз тасымалындағы наразылықты жүргізеді; дәлелдерді қамтамасыз етеді; Қазақстан Республикасының заң актілерімен қарастырылған басқа да нотариаттық әрекеттер атқарады.

Біз нотариустарда нотариаттық куәландыруға жататын аудармаларымызды куәландырамыз. Біздің шетелдік клиенттеріміз орыс тілінде кез келген құжаттардағы қолдардың түпнұсқалылығын куәландыра алады («Нотариат туралы» заңмен қарастырылған), өйткені кеңседе әрдайым куәландыру процесіне қатыса алатын аудармашылар болады.

Біздің нотариустармен жұмыс істеуіміз аудармашылық қызметіміздің басынан-ақ басталған болатын. Етене қызмет еткен жылдарда біз нотариат саласындағы білімімізді жетілдіре түстік.